Теннис: Денис Истомин Италиядаги турнирда бош совринни қўлга киритди

Италиянинг Болсано провинцияси Ортизеи шаҳарчасида ўтказилган теннис бўйича «Челленжер» туркумига кирувчи турнир якунига етди.

Ortisei Challenger турнирининг жуфтлик баҳсларида ҳамюртимиз Денис Истомин россиялик Евгений Карловский билан ҳамкорликда муваффақиятли иштирок этди.

Истомин ва Карловский жуфтлиги 1 соату 11 дақиқа давом этган финал учрашувида испаниялик Серхио Мартос Горнес ҳамда италиялик Марко Бортолотти тандемини 6/3, 7/5 ҳисобида мағлуб этди.

Шу тариқа, Денис Истомин Ortisei Challenger турнири бош совринни қўлга киритди.

Манба: minsport.uz