Нодирбек Абдусатторов «Fischer-2022» турнирини 4-ўринда якунлади

Исландия пойтахти Рейкявик шаҳрида бўлиб ўтган «Fischer Random World Chempionship — 2022» турнирининг асосий кечасида «ақл гимнастикаси» усталари мухлисларга ҳаяжонли онлар тақдим этишди.

3-ўрин учун ҳамюртимиз Нодирбек Абдусатторов классик шахматнинг амалдаги чемпиони норвегиялик Магнус Карлсенга қарши дона сурди. 1-баҳсда вақт ҳисобида ғалабани бой бераётган Нодирбек, ўйин тугашига 5 сония қолган вазиятда сенсацион тактик юриш қилиб, Карлсенни шов-шувли тарзда таслим этди.

Афсуски, қолган 3 та партияда мағлубиятга учраган Нодирбек Абдусатторов турнирни 4-ўринда якунлади. Мазкур ўрин учун Абдусатторов 40 минг АҚШ долларини қўлга киритди.

Эслатиб ўтамиз, chess.com сайти маълумотига кўра, онлан рейтингда Магнус Карлсен 2856 очко билан 1-ўринда бормоқда. Август ойида эълон қилинган рейтингда 64- ўринда қайд этилган ёш гроссмейстер (GM) Нодирбек Абдусатторов эса 30- октябрь ҳолатига кўра, 2713 очко тўплаган ҳолда 32-ўринга кўтарилган.

Чемпионлик учун кураш АҚШлик Ҳикару Накамура ҳамда россиялик Ян Непомняший ўртасида муросасиз ўтди. Асосий 4 та партия 2:2 ҳисобида дуранг билан тугади. 15 дақиқалик экстратаймда АҚШ вакили Ҳикару Накамура ғалаба қозониб, умумий мукофот жамғармаси 400 000 доллари бўлган «Fischer Random World Chempionship — 2022» турнирининг ғолиби бўлди. Непомняший чемпионлик учун 150 минг долларни қўлга киритди.

Раҳмиддин Шерматов
31-октябрь, Тегу, Жанубий Корея

Манба: stadion.uz