Ўзбекистондан Қозоғистонга борган 4 киши қозоқ-рус чегарасини бузиб ўтмоқчи бўлди

Маълум бўлишича, уларнинг Россияга кириши тақиқлангани сабаб чегарадан ноқонуний ўтмоқчи бўлишган.

2023 йил 4 февраль куни Ақтўбе вилоятида чегара хизмати томонидан Давлат чегарасини ноқонуний кесиб ўтишда гумон қилинган 4 нафар хорижлик қўлга олинди. Бу ҳақда Қозоғистон Миллий хавфсизлик қўмитаси хабар берди.

Кўрсатилган шахслар 2023 йил январь ойида Ўзбекистондан Қозоғистонга қонуний равишда келган ва меҳнат фаолиятини амалга ошириш учун Россияга кетишни режалаштирган.

Шу билан бирга, ушбу фуқароларнинг Россияга кириши тақиқланганлиги муносабати билан улар камуфляж костюмларидан фойдаланиб, тунда чегарани кесиб ўтишга уринишган.

Мазкур ҳолат юзасидан тергов ҳаракатлари олиб борилмоқда.