Тошкентдаги "Сазанчик" ресторани ва "Океан" жойлашган мажмуа аукционда 35 млрд сўмга сотилди

87 хонали мазкур мажмуа дастлаб 26 млрд сўм этиб белгиланган эди.

“E-auksion” порталидаги хабарга кўра, жорий йилнинг 20 февраль куни бўлиб ўтган кимошди савдосида Тошкент шаҳар, Яккасарой тумани, Шота Руставели кўчасидаги савдо мажмуаси сотилган.

Мазкур мажмуа 87 та хонадан иборат бўлиб, сотилган бинода «Сазанчик» ресторани, «Океан» савдо мажмуалари мавжуд.

Ер участкасининг умумий майдони — 0,20 гектарни ташкил этиб, бинонинг майдони — 2 685 квадрат метр. Ресторанда газ, сув, электр таъминоти ва канализация тизими ҳам бор.

Аукционга қўйилган мажмуанинг бошланғич нархи 26,3 млрд сўм эди.

Мазкур савдода 35,5 млрд сўмга сотиб олган ғолиб «Нигемта» компаниясидир.