Тошкентда мактаб боласининг қўлидан тутиб, шубҳали ҳаракат қилган эркак қамалди

Бир неча кун олдин номаълум эркак мактаб боласини сабабсиз сўроқ қилиб, қўлидан тутиб тургани акс этган видео тарқалганди. Эркакка нисбатан суд ҳукми ўқилди.

Аввалроқ, Тошкентда номаълум эркак 12 ёшли мактаб боласининг қўлидан тутиб, шубҳали ҳаракат қилгани ҳақида хабар бергандик. Мазкур эркакнинг шахсига аниқлик киритилиб, ЖИБ Яшнобод тумани судида ушбу иш кўриб чиқилди. Бу ҳақда BuKun информацион дастурида маълум қилинди.

«Шошилиб кетаётган экан. Тўхта, шошма, йиқилиб тушасан, деган маънода тўхтатдим. Яхши бола экан. Салом ҳам берди. Қаерга кетяпсан десам, қиз ўртоғимникига деди. Кулгим қистаб, қолган саволни беришимга улгурмасимдан, буёқдан аёл қишининг болани қўйвор деган овози келди. Кейин, майли онасининг назоратига экан деб, қўйвордим», — дейди 1994 йилда судланувчи эркак.

Суд ҳукмига кўра, эркак майда безорилик қилган деб топилди. Ушбу ҳаракатлари сабаб МЖтКнинг 183-моддаси билан эркакка 10 сутга маъмурий қамоқ жазоси тайинланди.