Тошкентдаги масжид таҳоратхонасида 44 ёшли эркак ўзганинг пулларини ўғирлади

"Минор” масжидига келиб, таҳоратхонага кийимини илиб қўйган йигитнинг пуллари ўғирлаб кетилди.

Тошкент шаҳрининг Юнусобод туманидаги “Минор” масжидида ўғрилик содир бўлди. Бу ҳақда пойтахт ИИББ хабар берди.

Жорий йилнинг 21 февраль куни тахминан соат 12:50 да 1979 йилда туғилган Ш.М. Юнусобод туманидаги “Минор” масжидида кийим илгичида турган, 1998 йилда туғилган И.Д.га тегишли бўлган курткасидан шахсий ҳужжатлари ва 170 минг сўм миқдоридаги пуллари бўлган ҳамёнини олиб, воқеа жойидан яширинган.

Мазкур ҳолат юзасидан ЖКнинг 169-моддаси (Ўғрилик) билан жиноят иши қўзғатилиб, тергов ҳаракатлари олиб борилмоқда.