Самарқандда меҳмонхоналардан бири 7,5 млрд сўмлик "свет"дан ноқонуний фойдалангани аниқланди

Аниқланишича, мазкур электр энергияcи 85 мингта хонадоннинг бир ойлик истеъмолига тенг.

Энергетика вазирлиги матбуот хизматининг хабарига кўра, Самарқанд шаҳар Сўғдиёна мавзесида фаолият юритиб келаётган «Dobusya Samarqand Aqualand» МЧЖда электр энергиясидан ноқонуний фойдаланиш ҳолати аниқланган.

Хусусан, ушбу тадбиркорлик субъектига тегишли меҳмонхонада яширинча ўрнатилган ўчиргич орқали электр ҳисоблаш тизимига ташқи таъсир кўрсатилганлиги маълум бўлган. Натижада истеъмолчига 16,9 млн kW⋅соат ҳисобга олинмаган электр энергияси бўйича 7,6 млрд сўм миқдорида қайта ҳисоб-китоб ишлари амалга оширилган.

Маълумот ўрнида, ушбу ҳажмдаги электр энергияси ўртача 85 мингта хонадоннинг бир ойлик истеъмолини ташкил қилади.

Қоидабузар истеъмолчига нисбатан белгиланган тартибда чоралар кўрилиб, тегишли ҳужжатлар ҳуқуқни муҳофаза қилувчи органларга тақдим этилди,- дейилади хабарда.