Тошкентдаги номсиз бўлган 281та кўчага янги ном қўйилди

Қарорга кўра, пойтахтга қўшиб олинган ҳудудлар номи ҳам ўзгартирилган

Халқ депутатлари Тошкент шаҳар кенгашининг қарори билан Тошкентда 500дан ортиқ кўчалар ва жой номлари ўзгарди. Бу бўйича тегишли қарор қабул қилинган.

Қарор билан номсиз бўлган 281та кўчага янги ном қўйилди;

— 20 та такрорланган кўча номлари қайта номланди;

— 1 та қонунчиликка зид ном (Локомотив линияси номли кўча Меҳридил деб ўзгартирилган) қайта номланди;

— Географик жойлашуви қайта кўриб чиқилиши натижасида номи ўзгарган (Тошкент шаҳрига қўшиб олинган) 228та ҳудудлар қайта номланди;

— Географик жойлашувига аниқлик киритилаётган 21та (Бектемирда 14та, Сергелида 2та, Яшнободда 5та) ҳудуд ўз номини сақлаб қолди.