«Қўйлиқ» метро бекати бир ҳафтага ёпилади

Бу даврда метрополитеннинг ер устки 6-(Янгиобод) ва 7-(Қўйлиқ) бекатлари оралиғида қўшимча автобуслар қатнови йўлга қўйилади.

Жорий йил 11 мартдан 18 мартгача кўтарилган метро линиясининг 7-«Қўйлиқ» бекати вақтинчалик ёпилади, деб хабар берди пойтахт метрополитени матбуот хизмати.

Бунга Тошкент метрополитенининг 6 ва 7-бекатлари оралиғидаги ер устки қисмида Фарғона йўли кўчасидан Қўйлиқ бозоригача қурилаётган автомобиль йўл ўтказгичини қуриш ишлари якунлангани билан боғлиқ.

Йўловчиларга қулайлик яратиш мақсадида 6 ва 7-бекатлар оралиғида қўшимча автобус қатнови ташкил этилади.