Тошкентда юқори қаватдан тушиб кетган эркакнинг шахси аниқланди — видео

Бош прокуратура 28 ёшли эркак юзасидан маълумот берди.

Аввалроқ, ижтимоий тармоқда Тошкентда бир эркак кўп қаватли бинонинг юқори қаватидан тушиб кетгани ҳақида хабарлар тарқалди. Бош прокуратура матбуот котиби Ҳаёт Шамсутдинов ҳолат юзасидан маълумот берди.

Аниқланишича, бугун, 13 март куни соат 18:30 да 1995 йилда туғилган, Россия фуқароси Андрей Ш. Миробод тумани Буюк Турон кўчаси 75-уйнинг еттинчи қаватида жойлашган хонадондан ўзини пастга ташлаб юборган. Натижада, у вафот этган.

Текшириш доирасида суд-тиббий экспертизаси тайинланган. Шунингдек, содир бўлган ҳодисанинг сабаблари аниқланмоқда.