[ jamiyat ] 24 Mart 2023
Пойтахт метросида Қўйлиқ-Сергели йўналишидаги янги бекатларни синовдан ўтказиш бошланди
«Қўйлиқ-Қурувчилар» участкасининг бешта янги бекатида тест режимида поездлар ҳаракати йўлга қўйилди.
Тадбирда Транспорт вазирлиги мутасаддилари, пойтахт метрополитени, «Боштранслойиҳа» АЖ ва «Ўзбекистон темир йўллари» АЖ раҳбарлари иштирок этди.
Айни пайтда «Қўйлиқ-Қурувчилар» метро бекатининг 8,5 километр узунликдаги бешта бекатни ўз ичига олган ер усти ҳалқа линияси участкасида ишлар ниҳоясига етказилди.
Узунлиги 3,8 километр бўлган иккита станцияни ўз ичига олган «Қурувчилар-Қипчоқ» участкасида қурилиш ишлари жадал суръатларда олиб борилмоқда.
Қайд этилишича, ушбу йўналишда йўловчи ташиш йўлга қўйилиши натижасида техник синовлардан сўнг кунига 40 мингга яқин йўловчига хизмат кўрсатилади.
