Энди барча жарималарни вақтлироқ тўласа, чегирма берилади

Эндиликда мазкур тартиб фақат йўл ҳаракати қоидаларини бузганликдаги жарима учун эмас, балки суд қарорларига асосан қўлланиладиган жарималарга нисбатан ҳам татбиқ этилади.

Президентнинг тегишли қарорига кўра, 2023 йил 1 майдан бошлаб маъмурий ҳуқуқбузарликлар бўйича қўлланилган жаримани ихтиёрий тўлаш тизими янада соддалаштирилади. Унга кўра:

— ҳуқуқбузар унга жарима солиш тўғрисидаги қарор топширилган кундан бошлаб 15 кун ичида жарима миқдорининг 50 фоизини, 30 кун ичида 70 фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади;

— мазкур тартиб суд қарорларига асосан қўлланиладиган жарималарга нисбатан ҳам татбиқ этилади.