[ jamiyat ] 26 Mart 2023
Тошкентда ММА жангчиси аёли ва боласини калтаклаганликда гумонланиб, қўлга олинди
Жабрланган аёл калтакланган ўғлини кўрсатиб, ижтимоий тармоққа видеомурожаат қилиб чиқди. Пойтахт ИИББ ҳолат юзасидан маълумот берди.
Аниқланишича, 1990 йилда туғилган спортчи Т.Х. Янгиҳаёт туманида ўзининг уйида ўзаро келиб чиққан тортишув сабабли турмуш ўртоғи 1995 йилда туғилган Т.Д.ни уриб, тан жароҳати етказган.
Шундан сўнг, 25 март куни Т.Х. 2016 йилда туғилган фарзанди Т.Х.ни ҳам калтаклаган. Натижада, 7 ёшли ўғли тан жароҳати олган.
Мазкур ҳолат юзасидан Янгиҳаёт тумани ИИО ФМБ томонидан терговга қадар текширув ўтказилмоқда.
«Ҳозирда Т.Х. маъмурий тартибда ушланган. Текширув якуни бўйича қонуний қарор қабул қилиниши таъминланади»,- дейилади хабарда.