Бухорода аёл машина ойнасидан танасини чиқариб, "сайр" қилди — видео

Хавфли ҳаракатларни содир этишга рухсат бергани учун Cobalt ҳайдовчиси жазоланди.

Аввалроқ, ижтимоий тармоқларда бир аёл ҳаракатланиб кетаётган Cobalt ойнасидан танасини чиқариб олгани акс этган видео тарқалди. Ҳолат юзасидан Бухоро ИИБ Матбуот хизмати маълумот берди.

Қайд этилишича, мазкур видео Бухоро шаҳар ИИБ ЖХХ ЙҲХБ масъул ходимлари томонидан ўрганилган.

Олиб борилган суриштирув ишлари давомида Cobalt ҳайдовчиси ва аёлнинг шахсига аниқлик киритилган. Ҳайдовчига нисбатан тегишли тартибда 300 минг сўм жарима тайинланган.