Uzbekistan Airways Technics мажмуасида янги Конституция бўйича референдум тарғибот тадбири бўлди — фото

Тадбирда авиакомпания ва унга тегишли ташкилотларнинг 1000 дан ортиқ ходимлари иштирок этди.

Апрель ойи охирида ўтказиладиган референдум арафасида Ўзбекистон ҳудудларида «Конституция меники, сеники, бизники! Конституция ўзимизники» шиори остида тарғибот тадбирлари ўтказиб келинмоқда. Уларда эстрада юлдузлари, спортчилар, расмийлар ва тадбиркорлар чиқиш қилади.

Ана шундай тадбирлардан яна бири Uzbekistan Airways Technics'да бўлиб ўтди.

Унда Конституцияга киритилиши режалаштирилган ўзгартиришлар, референдум ўтказиш тартиби ҳақида сўзлаб берилди. Сўзга чиққанлар орасида хонанда Лола, Соғлиқни сақлаш вазири Амрилло Иноятов ва бошқалар бор.

Эслатиб ўтамиз, Конституцияга ўзгартиришлар киритиш бўйича референдум 30 апрель куни бўлиб ўтади. Янгиланган Конституция лойиҳаси матни билан махсус веб-сайтда танишиш мумкин.