Нурафшон шаҳри ҳокими лавозимидан озод этилди

Музаффар Солиев 2021 йилда Нурафшон шаҳар ҳокими лавозимига тайинланган эди.

Тошкент вилояти Нурафшон шаҳри ҳокими Музаффар Солиев шаҳар кенгашининг қарори билан лавозимидан озод этилди. Бу ҳақда UzNews.uz'га Тошкент вилояти ҳокимлиги матбуот хизмати раҳбари Беҳзод Қобулов маълум қилди.

Эслатиб ўтамиз, Музаффар Солиев уй-жой коммунал хўжалик вазири лавозимида ишлаб, 2021 йилда Нурафшон шаҳар ҳокими лавозимига тайинланган эди.