Тошкентда 17 ёшли қизга ташланган эркак қўлга олинди

Тошкент шаҳар ИИББ мактабдан қайтаётган ўқувчи қизга шилқимлик қилган эркакнинг шахсини аниқлади.

19 апрель куни соат 12:50 да пойтахтнинг Миробод туманида эркак мактабдан қайтаётган 17 ёшли қизга шилқимлик қилгани ҳақида хабар бергандик.

Тошкент шаҳар ИИББ томонидан тезкор-қидирув тадбири ўтказилиб, жиноят содир этган шахснинг шахси аниқланди. Маълум бўлишича, қизнинг олдига югуриб келиб, уни қучоқлаб, юзидан ўпган эркак Самарқанд вилоятининг Оқдарё туманида туғилган 26 ёшли йигит бўлган. Ҳозирда эркак ҳибсга олинган.

Мазкур ҳолат юзасидан тергов ҳаракатлари олиб борилмоқда.