Референдумда қанча фуқаро муддатидан олдин овоз бергани маълум бўлди

Марказий сайлов комиссияси Янги Конституция бўйича референдумда муддатидан олдин овоз берган фуқаролар тўғрисида маълумот берди.

Аввалроқ, 19 апрель куни Ўзбекистонда ва хорижий ваколатхоналарда Конституцияга ўзгартиришлар киритиш тўғрисидаги қонун лойиҳаси бўйича референдумда муддатидан олдин овоз бериш бошлангани ҳақида хабар бергандик. Муддатидан олдин овоз бериш 26 апрель куни якунланди.

Қайд этилишича, Конституцияга ўзгартиришлар киритиш бўйича референдумда муддатидан олдин 611 320 киши овоз берган. Улардан 159 276 нафари хориждан туриб овоз беришда қатнашган.