"Янги Ўзбекистон" истироҳат боғи яқинидаги йўл бир неча соатга ёпилади — харита

6 май куни City Run мухлислари ўртасида халқаро пойга ўтказилиши муносабати билан кўчанинг бир қисми транспорт ҳаракати учун ёпилади.

Тошкент шаҳар ҳокимлиги Матбуот хизматининг хабар қилишича, «Янги Ўзбекистон» боғи ва унга туташ ҳудудда City Run ҳаваскорлар учун халқаро югуриш мусобақаси ўтказилади.

Шу муносабат билан жорий йилнинг 6 май куни соат 17:30 дан 20:00 га қадар Янги Ўзбекистон кўчасининг Жасорат кўчаси билан кесишмасидан Чирчиқ дарёси кўпригигача бўлган қисми транспорт воситаларининг ҳаракати учун ёпилади.

«Ҳайдовчилардан ноқулайликлар учун узр сўраймиз ва айланма кўчалардан фойдаланишни тавсия қиламиз», - дейилади хабарда.