[ jamiyat ] 15 May 2023
Тошкентда бўлиб ўтган бокс бўйича жаҳон чемпионатида оммавий муштлашув бўлгани айтилди
Ушбу ҳолат юзасидан Ички ишлар вазирлиги изоҳ берди.
Жорий йилнинг 13 май куни Бокс бўйича жаҳон чемпионатининг навбатдаги куни сўнгида ташкилотчилар томонидан мухлисларга текинга чарм қўлқоп тарқатиш маросимида, мухлислар бир-бирларига навбат бермасдан тартибсиз ҳаракат қилишган.
«Тадбир ташкилотчилари томонидан қисқа фурсатда тартиб тикланиб, жамоат тартибини бузилишига йўл қўйилмаган», — дейилади ИИВ Ахборот хизмати хабарида.
Эслатиб ўтамиз, Тошкент шаҳрида бўлиб ўтган бокс бўйича жаҳон чемпионатида Ўзбекистон терма жамоаси 5 та олтин, 2 та кумуш ва 2 та бронза билан умумжамоа ҳисобида 9 та медални қўлга киритиб биринчи ўринни эгаллашди.