Тошкентнинг 3 та туманида газ таъминоти вақтинча тўхтатилади

Эртадан газ қувурларини хавфсиз жойга кўчириш ва таъмирлаш ишлари олиб борилиши режалаштирилмоқда.

«Ҳудудгазтаъминот» АЖ Матбуот хизматининг хабарига кўра, эртага 25 май куни пойтахтнинг Яшнобод, Сергели ва Олмазор туманларининг баъзи ҳудудларида газ таъминоти вақтинчалик ўчирилади. Бунга таъмирлаш ишлари олиб борилиши сабаб бўлмоқда.

Яшнобод туманида:

Аҳоли истеъмолчилари: ҳарбийлар шаҳарчаси ҳудудида 35 та кўп қаватли уйлар, жами 1500 та хонадон;

Сергели туманида:

— «Белариқ» ва «Кўҳна Қумариқ» МФЙлар ҳудудида 1248 та ерли хонадонлар;

Олмазор туманида:

— «Гуруч Ариқ», «Истиқбол», «Қора сарой» МФЙ ҳудудида жами 385 та ерли хонадонлар.