АҚШнинг Тошкентдаги элчихонаси виза тўлов нархлари ошишини маълум қилди

Янги виза тўлов ставкалари жорий йил 17 июндан кучга киради.

Виза учун маъмурий тўлов миқдори ўзгариши 2023 йил 30 май кунидан эмас, 2023 йил 17 июндан эътиборан кучга кириши маълум бўлди. Бу ҳақда АҚШнинг Ўзбекистондаги элчихонаси хабар берди.

АҚШ туристик виза тоифасига ҳамда петиция талаб этмайдиган ноиммиграцион виза турларига мурожаат этувчилар учун маъмурий тўлов миқдори 160 АҚШ долларидан 185 АҚШ долларига кўтарилади. Петиция асосида бўлган (H, L, O, P, Q va R) виза тоифаларига мурожаат этувчилар учун маъмурий тўлов миқдори 190 АҚШ долларидан 205 АҚШ долларига кўтарилади.

Визага мурожаат этиш бўйича батафсил маълумотга расмий uz.usembassy.gov/visa ва travel.state.gov/visas веб-саҳифалари орқали эга бўлишингиз мумкин.