Тошкентнинг 3 та туманида газ вақтинча тўхтатилди

Яшнобод, Яккасарой ва Олмазор туманларида бугун кечгача табиий газ бўлмайди.

Таъмирлаш ишлари туфайли Тошкент шаҳрининг Яшнобод, Яккасарой ва Олмазор туманларининг қуйидаги ҳудудларига 26 октябрь куни табиий газ етказиб бериш вақтинча тўхтатилади. Бу ҳақда «Ҳудудгаз Пойтахт» ГТФ Матбуот хизмати хабар берди.

Табиий газ вақтинча тўхтайдиган ҳудудлар:

— Яшнобод тумани (10:00 дан 17:00 гача): Жўрабек маҳалласи, Жўрабек, Олот, Бакинский, Обод-Макон, Уз-Бум кўчаларидаги аҳоли хонадонлари ва улгуржи истеъмолчилар;

— Яккасарой тумани (10:00 дан 17:00 гача): Афросиёб кўчаси;

— Олмазор тумани (11:00 дан 15:00 гача): Сағбон кўчаси.