Ўзбекистонлик иккита компания Япония санкцияларига учраган

Ўзбекистонлик иккита компания Япония Иқтисодиёт вазирлигининг санкцияларига учраган. Улар товарларни экспорт қилишда чекланади. Бу ҳақда мухбиримиз хабар бермоқда.

Япония санкциялари остида қолган Ўзбекистон компаниялари: офис техникаси ва ускуналари улгуржи савдоси билан шуғулланувчи Alfa Beta Creative ва юкларни ташкил этиш, ташиш ва экспедициялаш билан шуғулланувчи GFK Logistic Asia.

Илгари, ушбу компаниялар санкцияларни четлаб ўтиб, Россия ҳарбий ва мудофаа саноати эҳтиёжлари учун Америка товарларини сотиб олишга уринишлари учун Америка савдо вазирлигининг санкциялар рўйхатига киритилган эди. Бундан ташқари, улар Европа Иттифоқининг санкциялари остида турибди.

Ўзбекистон компаниялари, шунингдек, Россия Федерациясидан 57 та ташкилот ва бошқа мамлакатлардан (Арманистон, Сурия, Араб Амирликлари) 6 та ташкилот учун экспортни тақиқлаш 22 декабрда кучга киради.

Эслатиб ўтамизки, яқинда Буюк Британия АҚШдан кейин ўзбекистонлик Mvizion компаниясига қарши санкциялар киритган. Бундан ташқари, Украина ҳукумати Ўзбекистоннинг “Фотон” электроника заводи, унинг бошқарув раиси ва бошқа шахсларга қарши 10 йил муддатга санкциялар киритган.