12 йилдан буён қидирувда бўлган 45 ёшли Ўзбекистон фуқароси Чимкентда ушланди
Чимкент Полиция департаментининг Экстремизмга қарши курашиш бўлими ходимлари томонидан ўтказилган тезкор профилактика тадбири давомида 45 ёшли Ўзбекистон фуқароси қўлга олинди.
Қўшни давлат ҳуқуқ-тартибот идоралари томонидан йирик миқдорда ўғирлик содир этган шахсга халқаро қидирув эълон қилинган. У 12 йилдан бери жиноий жавобгарликдан яшириниб келган.
Ҳозирда хорижлик ҳибсда. Уни Ўзбекистон Республикасига экстрадиция қилиш ишлари олиб борилмоқда, дейилади хабарда.