Қозоғистонда 12 баллик зилзила бўлиши ҳақидаги хабарлар ростми?

ФВВ ижтимоий тармоқда тарқалган хабарларга муносабат билдирди.

Бугун ижтимоий тармоқларда Қозоғистон Алмата шаҳрида яқин кунларда 12 баллик зилзила содир бўлиши кутилаётгани бўйича хабарлар тарқалди. Ўзбекистон ФВВ мазкур хабарларга изоҳ берди.

Сейсмолмог олимларнинг маълумотига кўра зилзиланинг вужудга келиши мумкин бўлган аниқ вақт ва жойини прогноз қилиш имкони йўқ.

Шу сабабли ФВВ фуқаролардан ушбу маълумотга асосланиб, хавотирга тушмасликларини сўрамоқда.

«Шунингдек, ФВВ Сейсмопрогностик мониторинг маркази томонидан олиб борилаётган ўрганишлар натижасига кўра ерда аномал зилзилани вужудга келтирувчи ўзгаришлар йўқлиги маълум қилинади», — дейилади хабарда.