Расман: 1 сентябрдан бошлаб, 2 вилоятдаги ўқувчилар учун бепул автобуслар йўлга қўйилади

Ушбу қатнов олис ҳудудлардан қатнайдиган мактаб ўқувчилари учун аутсорсинг асосида амалга оширилади. Қолаверса, мактабларга БҲМнинг 150 баробарида маблағ ажратилиши кўзда тутилган.

Давлат дастурида Қашқадарё ва Сурхондарё вилоятларида тажриба-синов тариқасида умумий ўрта таълим мактабларига олис ҳудудлардан қатнайдиган ўқувчилар учун аутсорсинг асосида бепул автобуслар қатнови йўлга қўйилиши белгиланди.

Маълум қилинишича, ушбу қатнов 1 сентябрдан бошлаб амалга оширилади.

Тўлиқ, сифатли ва сўзсиз бажарилиши учун Қашқадарё ва Сурхондарё вилоят ҳокимлиги масъуллар этиб, белгиланди.

Бундан ташқари, 2024/2025 ўқув йилидан бошлаб, Қорақалпоғистон Республикаси, вилоятлар ва Тошкент шаҳрининг 1 тадан туманида (шаҳрида) синов тариқасида “Менинг мактабим” лойиҳаси амалга оширилади. Мазкур лойиҳа доирасида Давлат бюджети маблағлари ҳисобидан мактабларга БҲМнинг 150 баробарида маблағ ажратилиши кўзда тутилган. Ушбу маблағлар 5–11-синф ўқувчилари танловига кўра, электрон доска, компьютер, спорт жиҳозлари, китоблар каби мактаблар учун зарур товарларга сарфланиши белгиланди.