[ madaniyat ] 2 Mart 2024
«Тошкент» аэропорти янги автобуслар харид қилди
«Uzbekistan Airports» Тошкент аэропорти учун Германиянинг «Cobus Industries GmbH» ишлаб чиқарувчисидан йўловчи ташувчи 4 та автобус харид қилди. Бу ҳақида «Uzbekistan Airports» Матбуот хизмати хабар берди.
Past polli Cobus 3000 автобуси компаниянинг энг катта модели бўлиб унинг узунлиги деярли 14 метр ва эни 3 метр. Автобус ўз ичига 10 ўтирган ва 94 тик турган ҳолда — 104 йўловчини сиғдира олади. Ушбу модел полни кўтариш ва тушириш учун пневматик тизим билан жиҳозланган.
Таъкидланишича, «Uzbekistan Airports» компанияси аэродром мажмуасини тозалаш учун янги универсал машиналар, самолётларни муздан тозалаш машиналари, самолёт ташувчи транспорт, двигателларни ерда ишга тушириш қурилмалари, самолёт салони учун ҳаво кондиционерлари ва бошқалар харид қилди.