Тошкент вилоятининг 20 минг гектар майдони Тошкент шаҳри ҳудудий таркибига ўтказилди

Халқ депутатлари Тошкент вилояти Кенгаши томонидан тегишли қарор қабул қилинди.

Aввалроқ, Олий Мажлис Қонунчилик палатаси қарори лойиҳасига кўра, Тошкент шаҳрида 20 минг гектар майдонда жойлашган 13 т туман пайдо бўлиши ҳақида хабар берилганди. Кеча, 13 март куни халқ депутатлари Тошкент вилояти Кенгаши Тошкент вилоятидан 19 729,41 гектар ерни Тошкент шаҳрига ўтказиш тўғрисида қарор қабул қилди.

Гап Юқори Чирчиқ туманидаги 17323,31 гектар (шундан 11147,29 гектар қишлоқ хўжалиги ерлари) ва Ўрта Чирчиқ туманидаги 2406,1 гектар (шундан 1758,41 гектар қишлоқ хўжалиги эрлари ташкил этилган) Янги Тошкент тумани ҳудудига ўтказилиши ҳақида бормоқда.

Қайд этилишича, Юқори Чирчиқ туманидаги 33 та аҳоли пунктлари ва маҳаллалари, шундан 20 таси тўлиқ, 13 таси қисман, 7 таси Ўртачирчиқ туманидаги 4 таси тўлиқ, 3 таси қисман аҳоли пунктлари ва маҳаллалари Тошкент шаҳри тасарруфига ўтказилади.