Ўзбекистон билан стратегик шериклик ўрнатган давлатлар
Словакия
Ҳамкорлик эълон қилинган ва/ёки шартнома имзоланган сана: Ўзбекистон ва Словакия 2025 йил июнь ойида стратегик шериклик муносабатларини ўрнатиш тўғрисида қўшма декларацияни қабул қилган. Ҳужжат Словакия бош вазири Роберт Фицонинг Тошкентга ташрифи доирасида имзоланган.
Италия
Ҳамкорлик эълон қилинган ва/ёки шартнома имзоланган сана: Ўзбекистон ва Италия илк бор 2023 йилнинг июнь ойида стратегик шериклик муносабатларини ўрнатиш тўғрисидаги қўшма декларацияни қабул қилган. Икки йил ўтиб, 2025 йилнинг май ойида мамлакатлар ўртасида стратегик шериклик муносабатларини мустаҳкамлаш тўғрисидаги декларация имзоланган.
Венгрия
Ҳамкорлик эълон қилинган ва/ёки шартнома имзоланган сана: Ўзбекистон президенти Шавкат Мирзиёев ва Венгрия бош вазири Виктор Орбан 2025 йил май ойида кенгайтирилган стратегик шериклик муносабатларини ўрнатиш тўғрисидаги қўшма декларацияни имзолаган. Ўзбекистон — Венгрия муносабатлари стратегик шериклик даражасига кўтарилгани 2021 йилда эълон қилинган.
Марказий Осиё ва Европа Иттифоқи
Ҳамкорлик эълон қилинган ва/ёки шартнома имзоланган сана: 2025 йил апрель ойида Марказий Осиё давлатлари ва Европа Иттифоқи раҳбарлари икки минтақанинг биринчи саммити якунлари бўйича стратегик шериклик ўрнатиш тўғрисидаги қўшма декларацияни қабул қилган.
Ўзаро ҳамкорлик йўналишлари: Декларацияга кўра, Марказий Осиё ва Европа Иттифоқи умумий хавфсизлик муаммоларини ҳал қилиш, санкцияларни четлаб ўтишнинг олдини олиш бўйича ҳамкорликни давом эттириш, минтақавий интеграцияни янада қўллаб-қувватлаш, савдо ва сармоявий алоқаларни мустаҳкамлаш, иқлим ўзгариши, биологик хилма-хилликнинг йўқолиши ва ҳаво ифлосланишига қарши курашни кучайтириш, қонун устуворлиги, инсон ҳуқуқлари ва асосий эркинликларини ҳимоя қилишга кўмаклашишга тайёрлигини билдирган.
Франция
Шериклик эълон қилинган ва/ёки шартнома имзоланган сана: Ўзбекистон ва Франция 2025 йилнинг март ойида ўзаро стратегик шериклик муносабатларини ўрнатиш тўғрисида қарор қабул қилганди.
Ҳамкорлик йўналишлари: Қўшма декларацияга кўра, томонлар сиёсий ҳамкорликни чуқурлаштиришга келишиб олган; мудофаа ва хавфсизлик масалалари бўйича ҳамкорликни мустаҳкамлаш; иқтисодий ҳамкорликни мустаҳкамлаш ва савдони ривожлантириш; инклюзив, барқарор ва барқарор ривожланиш учун ҳамкорликни фаоллаштириш; маданий-гуманитар алмашинувларни ривожлантириш.
Покистон
Ҳамкорлик эълон қилинган ва/ёки шартнома имзоланган сана: Ўзбекистон ва Покистон ўртасида 2021 йил июль ойида стратегик шериклик ўрнатилган. 2025 йил февралида Шавкат Мирзиёев ва Покистон бош вазири Шаҳбоз Шариф икки томонлама Олий даражадаги Стратегик шериклик кенгашини ташкил этиш тўғрисидаги декларация ва баённомани имзолаганди.
Ўзаро ҳамкорлик йўналишлари: Тошкент ва Исломобод ўртасидаги стратегик шерикликнинг устувор йўналишлари сифатида савдо-иқтисодий ҳамкорлик, транспорт алоқаларини мустаҳкамлаш, маданий-гуманитар ва сайёҳлик алмашинувларини кенгайтириш, хавфсизлик масалалари, жумладан, терроризм, радикализм ва исломофобияга қарши курашиш бўйича ҳамкорлик белгиланган.
БАА
Ҳамкорлик эълон қилинган ва/ёки шартнома имзоланган сана: Ўзбекистон ва БАА 2025 йил январь ойида Шавкат Мирзиёевнинг Абу Дабига ташрифи чоғида Стратегик шериклик ўрнатиш тўғрисидаги декларацияни имзолаганди.
Ўзаро ҳамкорлик йўналишлари: Ўзбекистон ва БАА ўртасидаги стратегик шерикликнинг асосий йўналиши олтита сферада иқтисодий ҳамкорликни назарда тутади: сунъий интеллект, рақамлаштириш, яшил энергия, шаҳарсозлик ва инфратузилма, туризм ва хусусий бизнес.
Жанубий Корея
Ҳамкорлик эълон қилинган ва/ёки шартнома имзоланган сана: Ўзбекистон ва Жанубий Корея 2006 йилдан буён стратегик шерик ҳисобланади. 2019 йил апрель ойида мамлакатлар ўртасидаги муносабатлар алоҳида стратегик шериклик даражасига кўтарилган, 2024 йил июнь ойида Шавкат Мирзиёев ва Корея Республикаси президенти Юн Сок Ёль Алоҳида стратегик шерикликни янада чуқурлаштириш ва ҳар томонлама кенгайтириш тўғрисидаги қўшма баёнотни имзолаган.
Туркия
Ҳамкорлик эълон қилинган ва/ёки шартнома имзоланган сана: 2022 йил март ойида Ўзбекистон ва Туркия президентлари икки давлат ўртасидаги муносабатлар мақомини кенг қамровли стратегик шериклик даражасига кўтаришга келишиб олганди. 2024 йил июнь ойида Шавкат Мирзиёев ва Ражаб Тоййиб Эрдўған кенг қамровли стратегик шерикликни чуқурлаштириш тўғрисида қўшма декларацияни имзолаган.
Хитой
Ҳамкорлик эълон қилинган ва/ёки шартнома имзоланган сана: 2024 йил январь ойида Ўзбекистон ва Хитой ўзаро муносабатларини «янги даврда ҳар томонлама стратегик шериклик» даражасига кўтарган. Бу ҳақда Шавкат Мирзиёевнинг Хитойга ташрифи чоғида маълум қилинганди.
Ўзаро ҳамкорлик йўналишлари: Иқтисодиёт, савдо ва сармоявий соҳалар; энергетика, шу жумладан, яшил иқтисодиётни ривожлантириш; камбағалликка қарши кураш ва маданий-гуманитар алмашинув соҳасида ҳамкорлик.
Туркманистон
Ҳамкорлик эълон қилинган ва/ёки шартнома имзоланган сана: 2017 йил март ойида Ўзбекистон ва Туркманистон ўртасида стратегик шериклик тўғрисидаги битим имзоланганди. Ҳужжат ўша йилнинг июнь ойида Ўзбекистон томони томонидан ратификация қилинган. 2022 йил октябрь ойида Тошкент ва Ашхобод ўртасида стратегик шерикликни чуқурлаштириш тўғрисидаги декларация имзоланган.
Ўзаро ҳамкорлик йўналишлари: 2022 йилги декларация икки мамлакат ўртасида сиёсий ҳамкорлик, хавфсизлик масалалари, ҳуқуқий масалалар, савдо-иқтисодий, транспорт ва энергетика, атроф-муҳитни муҳофаза қилиш ва бошқа соҳаларда «кенг кўламли ҳамкорликни ривожлантириш»ни назарда тутади.
Россия
Ҳамкорлик эълон қилинган ва/ёки шартнома имзоланган сана: Россия Федерацияси ва Ўзбекистон ўртасида стратегик шериклик тўғрисидаги биринчи шартнома 2004 йил 16 июнда имзоланган. 2022 йил сентябрда мамлакатлар ўртасида кенг қамровли стратегик шериклик ўрнатилгани эълон қилинган. Бу ҳақдаги декларация Самарқандда бўлиб ўтган Шанхай ҳамкорлик ташкилоти саммитида Ўзбекистон президенти Шавкат Мирзиёев ва Россия президенти Владимир Путин томонидан имзоланган.
Ўзаро ҳамкорлик йўналишлари: Ҳар томонлама стратегик шериклик тўғрисидаги декларация сиёсий ҳамкорлик соҳасидаги муносабатларни ривожлантиришни; хавфсизлик масалалари, ҳарбий ва ҳарбий-техникавий ҳамкорликни; ҳуқуқий масалалар; савдо-иқтисодий ҳамкорлик, транспорт, энергетика, минтақалараро, шунингдек, маданий-гуманитар ҳамкорлик соҳаларида; молия ва банк соҳасида; атом энергиясидан тинч мақсадларда фойдаланиш ва атроф-муҳитни муҳофаза қилиш соҳасида алоқаларни яхшилашни назарда тутади.
