Ўзбекистон аёллар регби-7 жамоаси Масқат турнирида ғолиб бўлди

Ўмон давлатининг Масқат шаҳрида регби — 7 бўйича аёллар терма жамоалари ўртасида ўтган “Asia Rugby Emirates Sevens Trophy — 2025” мусобақасида муносиб натижа қайд этилди.

Эрон, Жанубий Корея ва Ливан жамоалари билан баҳс олиб борган Ўзбекистон аёллар регби — 7 терма жамоаси рақибларига қарши муносиб ўйин намойиш этди.

Турнирнинг ҳал қилувчи учрашувларида ғалабага бўлган кучли иродасини намойиш этган юртимиз регбичи қизлари “Asia Rugby Emirates Sevens Trophy — 2025” чемпионлигини тантана қилди.