Маҳтумқули кўчасида ЙТҲ оқибатида 34-ёшли пиёда аёл вафот этди

Тошкент шаҳри Яшнобод туманида содир бўлган йўл-транспорт ҳодисаси инсон ўлими билан якунланди. Тошкент шаҳар Ички ишлар бош бошқармаси маълумотларга кўра, 2025 йил 31 декабрь куни соат 21:00 ларда Маҳтумқули кўчасида 2005 йилда туғилган Ж.Р. Lacetti русумли автомобилни бошқариб кетаётган вақтда йўлни кесиб ўтаётган 1991 йилда туғилган Й.Н.ни уриб юборган.

Йўл-транспорт ҳодисаси оқибатида пиёда олган тан жароҳатлари сабаб воқеа жойида вафот этган.

Ҳолат юзасидан Тошкент шаҳар Ички ишлар бош бошқармаси Тергoв бошқармаси томонидан Ўзбекистон Республикаси Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) иккинчи қисми билан жиноят иши қўзғатилган. Ҳозирда барча ҳолатларни аниқлашга қаратилган тергов ҳаракатлари олиб борилмоқда.