Швейцариянинг Ўзбекистондаги элчиси Константин Оболенский фаолиятини якунламоқда

Швейсариянинг Ўзбекистондаги элчиси Константин Оболенский мамлакатдаги беш йиллик дипломатик фаолиятини якунламоқда. Бу ҳақда Ташқи ишлар вазири Бахтиёр Саидов хабар берди.

Вазир у билан хайрлашув учрашувини ўтказди. Саидов элчига икки мамлакат ўртасидаги ўзаро муносабатларни мустаҳкамлашга қўшган ҳиссаси учун миннатдорлик билдирди.

Константин Оболенский бундан олдин Швейцариянинг Латвия, Литва ва Эстониядаги элчиси бўлиб ишлаган.

2025 йилда у ўзбекистонликларни Швейцарияга сохта ишга таклиф қилиш ва қалбаки ишлаш рухсатномалари билан боғлиқ мурожаатлар сони ортганидан огоҳлантирганди.