Tata Steel Chess–2026. Абдусатторов Гукешни мағлуб этди, Синдаров ғалабани қўлдан чиқарди

Нидерландиянинг Вейк-ан-Зее шаҳрида шахмат бўйича 2026 йилги Tata Steel Chess турнири давом этмоқда. Ушбу нуфузли мусобақанинг умумий соврин жамғармаси 1,2 миллион АҚШ долларидан ортиқни ташкил этади.

Мусобақанинг Masters гуруҳи 6-тур баҳслари доирасида Ўзбекистоннинг биринчи рақамли шахматчиси амалдаги чемпион Гукеш Домараджуга қарши оқ доналарда ўйнади. Испанча партиянинг 35-юришигача вазият мутлақо тенг эди. Аммо 36-юришда Гукеш кутилмаганда жуда қўпол хатога йўл қўйди ва Нодирбек ўша заҳоти рақибини жазолади. Ҳиндистонлик гроссмейстер ўша заҳотиёқ таслим бўлди.

Жаҳон кубоги ғолиби Жавоҳир Синдоров ушбу турда ҳиндистонлик Аравиндҳ Читамбарамга қарши қора доналарда ўйнади. Ҳамюртимиз ўйин ўрталарига келиб устунликни қўлга олди.

Партиянинг вақт қўлишиши керак бўлган 40-юришида Жавоҳир рақибнинг текин турган Руҳини уриш ўрнига пиёдасини Фарзинга чиқариш учун сурди. Бу пайтда томонларга вақт қўшилди. Бундай фойдаланган Чидамбарам доимий Шоҳ бериш йўлини топди ва баҳс дуранг билан тугади.

Абдусатторов бугунги ғалабадан сўнг ўз очколарини 4,5 тага етказиб, яққол пешқадам бўлиб олди. Синдаров эса 4,0 очко билан 2-ўринни эгаллаб турибди.

7-турда Нодирбек Абдусатторов германиялик Винент Кеймерга қарши, Жавоҳир Синдоров эса АҚШлик Ханс Ниманнга қарши баҳс олиб боради. 6-тур баҳслари 24 январь куни ўтказилади.

Мусобақа 13 турдан иборат. Эслатиб ўтамиз, 21 ёшли Абдусатторов 2025 йилги Tata Steel Chess турнирида 3-ўринни эгаллаган эди.

The World Champion blunders and resigns instantly! This brings Nodirbek Abdusattorov to 4,5/6 with a chance to take sole lead in the #TataSteelMasters! ????

Tune in live ???? https://t.co/ZYpYZGpket#TataSteelChess pic.twitter.com/MGGxcL3Lkm
— Tata Steel Chess Tournament (@tatasteelchess) January 23, 2026
Манба: stadion.uz