Ҳарбий тиббиётдан миграциягача. Ўзбекистон ва Туркия ўзаро ҳамкорликка оид 13 та ҳужжат имзолади

Олий даражадаги Стратегик ҳамкорлик кенгашининг тўртинчи йиғилиши якунлари бўйича Шавкат Мирзиёев ва Ражаб Тоййиб Эрдоған қўшма баёнот ҳамда Кенг қамровли стратегик шериклик доирасидаги ҳамкорлик механизмлари тўғрисидаги қарорни имзолади.

Ўзбекистон президенти матбуот хизматининг хабар беришича, бундан ташқари, кўп қиррали шерикликнинг турли йўналишларини қамраб олувчи икки томонлама ҳужжатлар тўплами имзоланган. Хусусан:

1. Соғлиқни сақлаш, таълим ва ҳарбий тиббиёт соҳаларидаги ҳамкорлик тўғрисида;
2. Иқтисодий ва молиявий ҳамкорлик тўғрисида;
3. Кончилик саноатида ўзаро ҳамкорлик тўғрисида;
4. Халқаро транспорт йўлакларини ривожлантириш бўйича ҳамкорлик тўғрисида;
5. Махсус иқтисодий зоналар соҳасидаги ҳамкорлик тўғрисида;
6. Ядро хавфсизлиги, жисман ҳимоя қилиш, кафолатлар ва радиацион ҳимоя соҳасидаги ҳамкорлик ва ахборот алмашинуви тўғрисида;
7. Миграцияга кўмаклашиш ва фуқароларни ўз мамлакатига қайтариш соҳасидаги ҳамкорлик тўғрисида;
8. Ўзбекистон Республикаси Дин ишлари бўйича қўмитаси ва Туркия Дин ишлари бошқармаси ўртасидаги ҳамкорлик тўғрисидаги ҳукуматлараро битимлар;
9. Ташқи ишлар вазирликлари ўртасида 2026−2027 йилларга мўлжалланган ҳамкорлик дастури;
10. Ўзбекистон Енгил саноатни ривожлантириш агентлиги ва Туркия Олий таълим кенгаши ўртасида баённома;
11. Маданият соҳасида 2026−2027 йилларга мўлжалланган ҳамкорлик режаси.

Фото