Чарлз Оливейра UFC 326 турнирида Холлоуэй билан реванш жангидан нималар кутаётгани ҳақида гапирди

Енгил вазн тоифасида (70 кг гача) UFC собиқ чемпиони, бразилиялик Чарлз Оливейра 8 март куни Лас-Вегасда (АҚШ) бўлиб ўтадиган UFC 326 турнирида америкалик Макс Холлоуэй билан бўлиб ўтадиган реванш жанги ҳақида гапирди.

«Мен учун қаерда жанг қилишнинг аҳамияти йўқ. Агар жанг тик туришда ўтса, мен тайёр бўламан. Агар партерга ўтса ҳам мен тайёр бўламан. Нима бўлишидан қатъи назар, мен бунга тайёрман. Бизнинг фарқимиз шунда. Мен ҳақиқий аралаш услуб жангчисиман», — дея Оливейранинг сўзларини келтиради Casino Beats.

Эслатиб ўтамиз, Оливейра ва Холлоуэй ўртасидаги илк жанг 2015 йилнинг августида бўлиб ўтган ва бразилиялик техник нокаут эвазига мағлуб бўлганди.