Президент 17−19 февраль кунлари АҚШда бўлади
Президент матбуот хизмати хабарига кўра, кенгашнинг биринчи саммити АҚШ Тинчлик институтида бўлиб ўтади ҳамда Ғазо секторини тиклаш, унга гуманитар ёрдам кўрсатиш, ушбу минтақада тинчлик ва барқарорликни таъминлаш масалаларига бағишланади.
Ўзбекистон етакчиси ташрифнинг ишбилармонлик дастури доирасида Американинг етакчи компаниялари ва молия институтлари раҳбарлари иштирокидаги стратегик лойиҳалар тақдимоти ҳамда иқтисодий соҳага оид икки томонлама ҳужжатларни имзолаш маросимида иштирок этиши кўзда тутилган.
Эслатиб ўтамиз, Тинчлик кенгаши Дональд Трампнинг ташаббуси билан ташкил этилган. Ўзбекистон январь ойида Швейцариянинг Давос шаҳрида унга таъсисчи давлат сифатида қўшилган.