UFC. Илия Топурия Махачевга қарши жанг ташкил этиш ва UFC’даги учинчи камарни қўлга киритиш истагини билдирди

UFC енгил вазн тоифасининг мағлубиятсиз чемпиони (29 ёш), асли келиб чиқиши грузин бўлган испаниялик Илия Топурия ярим ўрта вазн тоифаси чемпиони, россиялик Ислом Махачевга қарши жанг ўтказиш ниятида эканлигини маълум қилди.

«Мен учун энг идеал вариант — Махачев билан ярим ўрта вазнда жанг қилиш бўларди, шунда мен учинчи камарни қўлга кирита олардим. Яна бир ажойиб вариант — 70 кг дан 77 кг гача бўлган вазн тоифасида вазн тоифасидан қатъи назар энг яхши жангчи (P4P) учун махсус янги камар учун жанг қилиш», — деди Топурия блогер Адин Росснинг YouTube каналидаги стрим вақтида.

Испания ва Грузия шарафини ҳимоя қилувчи жангчи профессионал ММАдаги дебютини 2015 йил апрель ойида ўтказган. Шимолий Америка лигасида (UFC) «Матадор» 2020 йил октябрь ойидан буён қатнашиб келади. Илиянинг ҳисобида 17 та ғалаба бор ва уларнинг фақат 2 таси ҳакамлар қарори билан қўлга киритилган.