Конор Макгрегор Оқ уйда ўтадиган UFC турнирида иштирок этмайди

Нуфузли канадалик журналист ва инсайдер Ариэль Хельванининг хабар беришича, UFCнинг икки вазн тоифасидаги собиқ чемпиони, 37 ёшли ирландиялик Конор Макгрегор 14 июнь куни Вашингтонда, Оқ уйда ўтказилиши режалаштирилган UFC турнирида жанг қилмайди.

«Кўринишидан, Конор Оқ уйдаги UFC турнирида қатнашмайди. Бироқ, 11 июль куни Халқаро жанг ҳафталиги (International Fight Week) доирасида турнир ўтказилиши белгиланган ва Макгрегорнинг ушбу тадбирда майдонга чиқиш эҳтимоли Оқ уйдагига қараганда анча юқори. Оқ уйдаги тадбирда пул ишлаб бўлмайди», — дея Хельванининг сўзларини келтиради ижтимоий тармоқдаги Championship Rounds аккаунти.