Левон Аронян: “Жавоҳир Синдаровга хоҳлаганини қилишга йўл қўйиб беришяпти”

Номзодлар турнирида тўрт бор (2011, 2014, 2016 ва 2018 йилларда) иштирок этган Левон Аронян ўзбекистонлик шахматчи Жавоҳир Синдаровнинг ҳозирги ўйини ҳақида ўз фикрини билдирди.

— Турнир биз кутгандек қизиқарли кечмаяпти. Гўё бошқа ўйинчилар аста-секин таслим бўлиб, Синдаровга хоҳлаганича ўйнашга имконият бераётгандек.

Аронян Синдаровнинг кучли томонларини ҳам алоҳида таъкидлади:
— У жуда тактик, жуда топқир ўйинчи. Энг муҳими, психологик жиҳатдан жуда барқарор. Агар унга ўзига қулай позициялар берилса, у ортга қарамайди ва ишонч билан ўйнайди.

У вариантларни қайта-қайта текшириб ўтирмайди, ўзига ишонади. Бу эса ўйинида яққол сезилиб туради.

Шунингдек, у Синдаровнинг шахсий фазилатлари ҳақида ҳам гапирди:
— У жуда самимий ва ёқимли инсон. Истеъдоди эса ҳаммага аён. Агар мен америкалик ўйинчилар учун мухлислик қилмаганимда, албатта унга мухлислик қилган бўлардим.

Аронян турнир олдидан Синдаровни юқори баҳолаганини ҳам айтди:
— Мен уни “яширин фаворит” деб ҳисоблаганман. Асосий фаворит сифатида эса Фабиано Каруанани кўрганман ва ҳануз шундай ўйлайман. Лекин баъзан битта мағлубият ҳаммасини ўзгартириб юборади.

Манба: https://t.me/uzchesss