Дана Уайт Конор Макгрегорнинг октагонга қайтиши ҳақидаги саволга жавоб берди

Ultimate Fighting Championship (UFC) промоушени президенти Дана Уайт 37 ёшли афсонавий ирландиялик жангчи, промоушен тарихидаги илк икки вазн тоифаси чемпиони Конор Макгрегорнинг эҳтимолий қайтиши ҳақида фикр билдирди.

— Конор ижтимоий тармоқларда жуда фаол. Унинг қайтиши бўйича қандай янгиликлар бор?

— Ҳаммаси яхши кўриняпти. Биласизми, у билан келишувга эришишимиз билан, бу ҳақда эълон қиламиз, — деди Уайт Ванкувердаги UFC турниридан кейинги матбуот анжуманида.

Аввалроқ Конор Макгрегор 2021 йилдан бери ММА қоидалари бўйича илк жангини шу ёзда ўтказиш ниятида эканлигини маълум қилган эди.