Афсонавий Пакьяо тарихдаги энг яхши 3 нафар боксчи номини айтди

Жаҳон бокси афсонаси, филиппинлик Мэнни Пакьяо тарихдаги энг кучли уч нафар боксчи ким эканлигини маълум қилди. Унинг сўзларидан Boxing News Online иқтибос келтирмоқда.

«Ўзимни ҳисобга олмаганда — Муҳаммад Али, Шугар Рэй Леонард ва Хулио Сезар Чавес», — деди Пакьяо.

Эслатиб ўтамиз, Пакьяо тарихда саккизта вазн тоифасида жаҳон чемпиони бўлган ягона боксчи ҳисобланади. Тўрт йиллик танаффусдан сўнг, 46 ёшли Мэнни WBC йўналиши бўйича ярим ўрта вазн тоифаси чемпиони Марио Барриосга қарши профессионал жанг ўтказди. Ушбу тўқнашув ҳакамларнинг кўпчилик овози билан дуранг натижа билан якунланди.