Аюбхон Султонов рақамли технологиялар вазирининг биринчи ўринбосари этиб тайинланди

Ўзбекистон президенти Аюбхон Орифхон ўғли Султоновни рақамли технологиялар вазирининг биринчи ўринбосари этиб тайинлади. Бу ҳақда Рақамли технологиялар вазирлиги матбуот хизмати хабар берди.

Аюбхон Султонов Буюк Британиянинг Уэлс шаҳридаги Cardiff Metropolitan University’ни тамомлаган. Илгари Рақамли технологиялар вазирлигида бўлим бошлиғи ва Президент администрациясининг Молиявий технологиялар, рақамлаштириш ва сунъий интеллект департаментида ишлаган.

Март ойида вазирнинг рақамлаштириш масалалари бўйича биринчи ўринбосари Олимжон Умаров лавозимидан озод этилгани хабар қилинганди.