Бехзот Нарматов президентнинг ёқилғи-энергетика масалалари бўйича маслаҳатчиси этиб тайинланди
Тайинловга қадар у февраль ойидан буён Президент администрациясининг нефть-газ соҳасидаги ислоҳотларни жадаллаштириш бўйича лойиҳа офиси шуъба мудири лавозимида ишлаб келаётган эди.
У турли йилларда энергетика вазири ўринбосари, Энергетика вазирлигининг геология, нефть ва газ қазиб чиқариш бошқармаси раҳбари, шунингдек, «Андижоннефть» компанияси раҳбари лавозимларида фаолият юритган. 2021 йил августда Нарматов «Ўзтрансгаз» давлат компанияси бошқарув раиси этиб тайинланган.
2023 йил январда президент аҳолини энергия ресурслари билан таъминлашдаги қониқарсиз ҳолат сабаб қатор энергетика компаниялари раҳбарларини, жумладан «Ўзтрансгаз» раҳбарини эгаллаб турган лавозимидан озод қилган эди.
Бундан аввал ушбу лавозимда Алишер Султанов ишлаган. У 2023 йил май ойида президентнинг нефть, газ, кимё ва энергетика масалалари бўйича маслаҳатчиси этиб тайинланган. 2025 йил июлда Султанов президентнинг энергетик хавфсизлик масалалари бўйича маслаҳатчиси лавозимидан озод қилиниб, президентнинг энергетик хавфсизлик масалалари бўйича вакили этиб тайинланган — мазкур лавозим маслаҳатчи ўринбосари мақомига тенглаштирилган. Ўтган йил декабрида у бу лавозимдан ҳам озод этилган.