Тошкент шаҳрининг туристик ва марказий кўчаларини тозалаш ҳамда ободонлаштириш учун янги махсус техника воситалари фойдаланишга топширилди. Дастлабки шундай замонавий қурилмалар Мирзо Улуғбек туманидаги «Ўзбекистон овози» кўчасида ўз ишини бошлади.

Туман ҳокимлиги маълумотларига кўра, ушбу махсус техника воситалари автобус ва автомобиль йўллари, велосипед йўлакчалари ҳамда пиёдалар тротуарларини ювиш, шунингдек, иссиқ кунларда сув пуркаш ва чангни бостириш ишларини амалга оширишга мўлжалланган.