16 октябрдан ички авиақатновлар чипталари 20 фоизгача арзонлашади
Uzbekistan Airways’нинг ички йўналишларида авиачипталар нархи 2026 йил 16 октябрдан ўртача 20 фоизгача пасайтирилади. Бу ҳақда Рақобат қўмитаси маълум қилди.
Қўмита ички авиақатновлардаги тарифлар ва ташиш харажатларини ўрганиб, харажатларни мақбуллаштириш ҳисобига чипта нархларини камайтириш бўйича таклифлар ишлаб чиққан. Шундан сўнг авиакомпания билан ҳамкорликда тарифлар қайта кўриб чиқилган.