Сузиш. Иля Сибирцев сузиш бўйича Ўзбекистон рекордини янгилади

Қозоғистоннинг Остона шаҳрида сузиш бўйича қисқа сувдаги Жаҳон кубогининг учинчи босқичи бўлиб ўтмоқда.

Мусобақада Ўзбекистон терма жамоаси вакили Иля Сибирцев 400 метрга эркин усулда сузиш баҳсида 3:44.07 дақиқалик натижа қайд этиб, мамлакат рекордини янгилади.

Таъкидлаш жоиз, аввалги рекорд ҳам Иля Сибиртсевга тегишли эди. Спортчимиз Тошкентда ўтказилган Жаҳон кубоги босқичида ушбу масофани 3:44.36 дақиқада босиб ўтган эди.