Бугун ёш боксчиларимиз жаҳон чемпионатидаги иштирокларини бошлашади

Бугун Черногориянинг Будва шаҳрида бокс бўйича U — 19 ёш тоифасидаги жаҳон чемпионатига старт берилади. Дунёнинг 69 мамлакатидан 474 нафар чарм қўлқоп усталари қатнашадиган мазкур мусобақа 27-октябрга қадар давом этади.

Бугундан саралаш жанглари ташкил этилади. Турнир давомида Ўзбекистон терма жамоаси аъзолари йигитлар ўртасида 10 та, қизлар ўртасида эса 8 та вазн тоифасида медаллар учун кураш олиб боришади.