Президент COP31 саммитида иштирок этиш учун Анталияга боради

Ўзбекистон президенти Шавкат Мирзиёев Туркия президенти Ражаб Тоййиб Эрдоғаннинг таклифига биноан 10−11 ноябрь кунлари БМТнинг Иқлим ўзгариши бўйича Ҳадли конвенцияси томонлари конференциясининг 31-сессияси (COP31) тадбирларида иштирок этиш учун Анталияга боради. Бу ҳақда давлат раҳбари матбуот хизмати хабар берди.

Глобал иқлим саммитида давлат ва ҳукумат раҳбарлари, халқаро ташкилотлар ҳамда молия институтлари раҳбарлари, шунингдек, юқори даражадаги делегациялар иштирок этади.

COP31 кун тартибидан БМТнинг Иқлим ўзгариши бўйича Ҳадли конвенциясининг асосий қоидаларини амалга ошириш, экологик хатар ва таҳдидларга қарши курашиш, «яшил» тараққиёт мақсад ва вазифаларини илгари суриш бўйича халқаро ҳамкорликни ривожлантириш масалалари ўрин олган.

Президент саммитнинг ялпи мажлисида маъруза қилади, шунингдек, қатор икки томонлама учрашув ва музокаралар ўтказади.

Ўзбекистон БМТнинг Иқлим ўзгариши бўйича Ҳадли конвенциясига 1993 йилда қўшилган. 2018 йилда эса Париж битимининг иштирокчисига айланган.