Теннис. Камилла Раҳимова фаолиятидаги энг яхши натижасига эришди!

Халқаро теннис федерациялари — WTA ва ATP ҳар ҳафта жаҳон рейтингларини янгилаб боради. Сўнгги ҳафталарда ўзбекистонлик теннисчиларнинг жаҳон таснифидаги ўринларида сезиларли ўзгаришлар кузатилди.

Ўзбекистоннинг биринчи рақамли теннисчиси Камилла Раҳимова айни пайтда дунёнинг 45-ракеткаси ҳисобланади. У ўтган ҳафта фаолиятидаги энг юқори натижани қайд этиб, WTA рейтингида 44-поғонага кўтарилган эди.

Аёллар рейтингидаги бошқа ўзбекистонлик теннисчилар натижалари:

Мария Тимофеева икки поғона пастлаб, 72-ўринни эгаллади.

Полина Кудерметова эса 7 поғона юқорилаб, 86-ўринга жойлашди.

Севил Юлдашева 12, Милана Масленкова эса 25 поғона юқорилади.

Лайма Владсон 12, Дарья Шубина эса 4 поғона пастлади.

Эркаклар ўртасидаги ATP рейтингида эса мамлакатимизнинг биринчи ракеткаси Сергей Фомин 40 поғона пастлаб, 333-ўринга тушди. Ҳумоюн Султонов ҳам 3 поғона пастлаб, айни пайтда 414-ўринда бормоқда.

Никита Белозерцев 3 поғона юқорилади. Илья Игнатов рейтингни тарк этган бўлса, иқтидорли теннисчимиз Аҳмаджон Тошмуҳаммедов аксинча, илк бор ATP рейтингидан жой олди.

Ўзбекистонлик теннисчилар орасида энг катта ўсишга Максим Шин эришди — у 28 поғона юқорилади. Амир Милушев эса бир поғона пастлади.

Айни пайтда ATP жаҳон рейтингида Ўзбекистондан 6 нафар теннисчи қайд этилган.

Манба: @komiljon_jumayev